काठमाडौँ । काठमाडौँ महानगरपालिकाले आज बुधबार विशेषज्ञसहित मानसिक स्वास्थ्य सेवा सञ्चालन गर्ने भएको छ। महानगरपालिकाले आव २०८१/८२ को नीति तथा कार्यक्रम अनुसार यो सेवा सञ्चालन गर्न लागेको हो ।

आज जेठ २८ गते बुधबारका दिन शहरी स्वास्थ्य प्रवर्द्धन केन्द्र बबरमहलमा बिहान १० बजेदेखि १२ बजेसम्म मानसिक स्वास्थ्य सेवा सञ्चालन हुने छ।

सोही स्थानमा असार महिनाको प्रत्येक आइतवार र बुधवार समेत याे सेवा सञ्चालन हुने काठमाण्डौ महानगरपालिकाले जनाएको छ।

एङ्जाइटी, डिप्रेसन, मादक तथा लागू पदार्थको कुलतलगायतका मनोसामाजिक समस्याहरूको उपचार तथा परामर्श हुने महानगरपालिकाले जनाएको छ।